میری ویدر کلاک ٹاور.... کراچی کا معروف مقام ”ٹاور“ اہالیان کراچی کے لیے نیا نام نہیں۔ بس کنڈیکٹروں کو بھی ٹاور ٹاور.... کی صدائیں لگاتے سنا ہوگا۔ آخر یہ ٹاور ہے کیا؟ منی بسوں سے اترنے والے مسافر ٹاور کے مقام پر اترنے کے باوجود اس جانب متوجہ نہیں ہوتے۔ اگرچہ ایک وقت میں ٹاور جیسی عمارتوں کی بڑی اہمیت ہوا کرتی تھی۔ شہر کراچی کے قدیم علاقوں میں متعدد مقامات پر ایسی عمارتیں اب بھی استادہ ہیں، جن پر گھڑیال تو نصب ہیں، لیکن یہ وقت بتانے سے قاصر ہیں۔ شاید اس جدید دور میں اب ہمیں ان گھنٹہ گھروں کی ضرورت نہیں رہی۔ لیکن یہ بھی تلخ حقیقت ہے کہ ہمیں وقت کی قدر بھی نہیں رہی۔ جی ہاں! ”میری ویدر کلاک ٹاور“ کراچی کے ان گھنٹہ گھروں میں سے ایک ہے، جس کے چار اطراف گھڑیال نصب ہیں۔ یہ 1886 میں سندھ کے انگریز کمشنر سر ولیم میری ویدر کی خدمات کے اعتراف میں تعمیر کیا گیا تھا۔ میری ویدر 1868سے 1877تک سندھ کے کمشنر رہے تھے۔ اس ٹاور کی اونچائی 102 فٹ ہے اور اس کی تعمیر میں جودھپوری لال پتھر کا استعمال کیا گیا ہے۔ یہ ٹاور موجودہ ایم اے جناح اور آئی آئی چند ریگر روڈ کے سنگم پر واقع ہے۔ یہ دونوں شاہراہیں کراچی کی مصروف ترین کاروباری شاہراہوں میں سے ایک ہیں۔ جس کے سامنے معروف ”نٹی جٹی پل“ دکھائی دیتا ہے، جہاں سے کراچی پورٹ یا سمندر کاآغاز ہوتا ہے۔ ایک وقت میں ان گھڑیال سے ہر گھنٹہ بعد بیل بجنے کی آواز آتی تھی۔ اگر ہمیں وقت کی قدر ہوتی تو یہ گھڑیال آج بھی ہمیں وقت دکھا سکتی ہیں۔

Rush n traffic Always parking full