Moziyg'a qaytib ish ko'rish xayrlik, deydilar ☺️ Qatag‘on qurbonlari xotirasi muzeyiga tashrif buyuruvchi tomoshabinlar zal kuzatuvchisi‍ hamrohligida mavjud eksponatlar bilan tanishtiriladi. Eksponatlar ichida Buxoro amiri Amir Olimxonga oid ashyolar, Turkiston jadidlarining suratlari mavjud. Umuman, universitetning 3-o'quv binosining 1-qavatida joylashgan muzey 3 ta zaldan iborat bo‘lib, 1865 yildan tortib to hozirgi kungacha bo‘lgan vaqt oralig'ini o'z ichiga oladi. Muzey ekspozitsiyasini XIX asrga taalluqli antikvar buyumlar, qimmatli arxiv hujjatlari, foto va kino hujjatlari tashkil qiladi. Muzeyda ekskursovod, zal kuzatuvchisi, fond saqlovchisi kabi xodimlar xizmat ko'rsatadilar. Hukumatning 2017y 22 noyabrdagi 936-sonli qarori bilan 2018 yil 18 may – Xalqaro muzeylar kuni munosobati bilan BuxDU tuzilmasidagi Qatag‘on qurbonlari xotirasi muzeyi ochiladi. Ayni paytda BuxDU tuzilmasidagi Qatag‘on qurbonlari xotirasi muzeyining direktori sifatida ‍⚖️Azalshoh Hazratovich Hamroyev (Xalqaro Qadimshunoslik akademiyasi dotsenti) faoliyat yuritadi. Kelajak tarixdan boshlanadi.:)